Në sajë të operacionit të koduar “Plugu”, policia njofton se ka bërë të mundur arrestimin e një shtetasi, e një tjetër e ka shpallur në kërkim, pasi prej katër ditësh mbanin peng shtetasin me inicialet B.Z. Falë një pune hetimore, është bërë i mundur arrestimi i shtetasit E. M.,24 vjeç, banues në Nikël, Fushë Krujë, si dhe u shpall në kërkim bashkëpunëtori i tij, B. XH.
Të dy këta shtetas prej katër ditësh kanë mbajtur peng në zonën e Fushë-Krujës, për motive përfitimi material shtetasin B. Z., i cili u lirua pa pasoja gjatë operacionit policor.
“Operacion i koduar “Plugu”. Operacioni për lirimin e një shtetasi që mbahej peng prej disa ditësh nga 2 persona, për motive përfitimi material. Operacioni është organizuar dhe ndjekur me metoda speciale të hetimit, nga Njësia për Hetimin e Krimeve ndaj Personit në Departamentin e Policisë Kriminale.
Operacioni është finalizuar në bashkëpunim me Drejtorinë e Forcës së Posaçme Operacionale, në Policinë e Shtetit dhe Drejtorinë Vendore të Policisë Fier. Nga Njësia për Hetimin e Krimeve ndaj Personit dhe Pasurisë në Drejtorinë Qendrore në Departamentin e Policisë Kriminale, në bashkëpunim me Drejtorinë e Forcës së Posaçme Operacionale, pas perdorimit të metodave speciale te hetimit, u finalizua operacioni policor “Plugu”. Si rezultat u bë i mundur arrestimi i shtetasit E. M.,24 vjeç, banues në Nikel, Fushë Krujë, si dhe u shpall në kërkim bashkëpunëtori i tij, B. XH.
Të dy këta shtetas prej 4 ditësh kanë mbajtur peng në zonën e Fushë Krujës për motive përfitimi material, shtetasin B. Z., i cili u lirua pa pasoja gjatë operacionit policor. Vijon puna për kapjen e bashkëpunëtorit të shpallur në kërkim. Materialet në ngarkim të autorëve, i kaluan Prokurorisë pranë Gjykatës së Shkallës së Parë Për Krime të Rënda Tiranë, për veprën penale të “Rrëmbimi ose mbajtja peng e personit”, njofton policia.
