Artan Hoxha ka dhënë detaje lidhur me atentatin në Ekuador, ku mbeti i plagosur një shqiptar.
Sipas gazetarit, ky atentat ka lidhje me vrasjen që ka ndodhur në maj të këtij viti, ku humbi jetën një tjetër shqiptar, pasi sipas tij, atentatet janë bërë në mënyrë identike.
“Edhe ngjarja e parë ka qenë në ditë të martë, ka qenë nga mbrapa, me motor. Këto ngjarje kanë të gjitha detajet njësoj kanë lidhje me njëra tjetër. Është pohuar dhe nga policia në Ekuador, por gjatë kohët kanë ndodhur dhe katër vrasje të tjera të lidhura”. Tha ndër të tjera Artan Hoxha.
Po ashtu, në studion e “Të paekspozuarit”, Hoxha tha se shqiptari kishte marr edhe shtetësinë ekuadoriane dhe qëndronte aty prej 8 vitesh.
Një shtetas shqiptar i është bërë atentat në një nga vendet e Amerikës Latine…ç’farë dini ju?
Hoxha: Po, është qëlluar në Guaekil të Ekuadorit, qyteti i dytë më i madh. I kemi parë shqiptarët të mbërrinin në Venezuelë dhe tani kanë mbërritur në Peru dhe Ekuador. Shtetasi në fjalë ka 8 vjet që qëndron atje ka marrë edhe shtetësinë .
Ende nuk dihet emri?
Hoxha: Akoma, nuk e ka bërë të ditur as policia e Ekuadorit..dyshohet të jetë viktima e 6 në Ekuador, si shqiptar është i dyti
Ekuadori është një vend me nivel të lartë të trafikut të kokainës?
Hoxha: Pas sulmit të DEA pozicionin e humbur nga Kolumbia filloi ta zërë Ekuadori dhe Bolivia. Kolumbia dalë nga dalë filloi të humbte peshën si vendi kryesor i eksportimit të kokainës, dhe pozicionin e tij filloi ta zërë Ekuadori. Pastaj gjatë kryengritjeve që u bënë në vend, u nda Ekuadori nga Kolumbia, dhe sot ky vend rezulton si një nga eksportuesit më të mëdhenj të kokainës në botë. Aty ka kartele.
Ju thoni që janë vrarë dy shqiptarë aty. Ka shumë shqiptarë që qarkullojnë në vende të tilla? A kanë lidhje me Shqipërinë?
Kur ndodhi ngjarja e 30 majit në po këtë qytet, u qëllua një shqiptar që quhet Ilir Hidri, 30 vjeç. Ai kishte shkuar për një sasi kokainë, me vlerë 15 -20 mln dollarë nëse shkonte ne tregun europian. Edhe atij iu bë atentat mafioz. Ndy persona me motor e qëlluan nga pas koke. Drejtori i policisë së krimit të organizuar në vend, ka reaguar pas ngjarjes së dy ditëve më parë, dhe thotë se ngjarjet lidhet me njëri-tjetrin. Ai thotë se ekzekutori, mund të jetë autor edhe i 4 vrasjeve të tjera në vend. Teksa po udhëtonte bashkë me një femër në makinë, më 7 nëntor iu bë atentat një shqiptari tjetër. Ai lëvizte me makinë të blinduar, por gruaja hapi xhamin e makinës për të pirë cigare, dhe në atë moment, ekzekutori ka qëlluar me armë drejt objektivit. Fakti që shqiptarët anë vajtur dhe janë bërë faktor atje, kanë shkuar në burim. Pra kanë shkuar të mbyllin ciklin. Të njëjtën gjë bënë me kanabisin nga Pakistani.
