Një 68-vjeçar është arrestuar nga policia e Kukësit, pasi po transportonte 4 shtetas sirianë. Sipas njoftimit të policisë, në kontrollet e specialistëve të Hetimit të Trafiqeve të Paligjshme në DVP Kukës, u arrestua në flagrancë shtetasi me inicialet T. H., 68 vjeç, banues në Tiranë.
Arrestimi i tij u bë pasi u kap në afërsi të PKK Morinë, me automjetin tip “Benz”, me të cilin po transportonte 4 shtetas sirianë. 68 vjeçari do t’i ndihmonte shtetasit sirianë kundrejt fitimit, që të kalonin kufirin në drejtim të Kosovës, në mënyrë të paligjshme.
Njoftimi
Kukës
Vijojnë kontrollet në akset rrugore dhe në kufirin e gjelbër, në zbatim të planit të përbashkët të masave mes DVP Kukës e Policisë Kufitare, me qëllim parandalimin dhe goditjen e tentativave për dhënie ndihmë shtetasve nga vendet e treta, kundrejt fitimit, për të kaluar kufirin në mënyrë të paligjshme.
Në kuadër të kontrolleve evidentohet dhe arrestohet në flagrancë 1 shtetas, për veprën penale “Dhënie ndihmë për kalim të paligjshëm të kufirit”, kundrejt fitimit.
Specialistët për Hetimin e Trafiqeve të Paligjshme në DVP Kukës arrestuan në flagrancë shtetasin T. H., 68 vjeç, banues në Tiranë.
Arrestimi i tij u bë pasi u kap nga shërbimet e Policisë, në afërsi të PKK Morinë, me automjetin tip “Benz”, me të cilin po transportonte 4 shtetas sirianë.
Shtetasi T. H., do t’i ndihmonte shtetasit sirianë, kundrejt fitimit, që të kalonin kufirin në drejtim të Kosovës, në mënyrë të paligjshme.
Materialet i kaluan për veprime të mëtejshme, Prokurorisë së Rrethit Gjyqësor Kukës, për veprën penale “Ndihma për kalim të paligjshëm të kufijve”.
