Dy shqiptarë janë arratisur në mënyrë spektakolare nga një burg i sigurisë së lartë në Itali. Ata kanë arritur të largohen teksa kanë sharruar hekurat e qelisë së burgut, duke përfituar nga zhurma e shiut të madh që po binte.
Dy shqiptarët e arratisur janë identifikuar si Adriatik Gega dhe Ervis Markja, të cilët u arratisën nga burgu në Caserta. Ngjarja ka ndodhur rreth orës 03:00 të mëngjesit, ndërsa autoritetet janë vënë në kërkim të tyre.
Adriatik Gega është arrestuar dhe burgosur në vitin 2012, nën dyshimin se i përkiste një grupi që grabiste banesat në zonë. Kurse, Ervis Markja u arrestua në janar 2016 me akuza për konkurrencë në marrjen e mallrave të vjedhura dhe rezistencë ndaj një zyrtari publik. Së paku 60 agjentë janë vënë menjëherë në lëvizje për të gjetur dy të arratisurit.
