Të tjera detaje kanë dalë lidhur me ngjarjen që tronditi këtë të enjte fshatin Mborje të Korçës, ku 45-vjeçari Flamur Duçi u gjet i pajetë pranë lokalit të tij.
Viktima, i cili u gjet nga bashkëfshatarët e tij orët e para të mëngjesit, ka marrë plagë në trup që dyshohet se janë shkaktuar nga një mjet prerës.
Nga këqyrja paraprake e trupit të pajetë të 45-vjeçarit, sipas “BalkanWeb”, viktimën kanë tentuar që ta djegin.
Ndërkohë, motra e Duçit, e cila ndodhet në gjendje të rëndë psikologjike pasi u njoftua për vdekjen e të vëllait ka shpërthyer në lot dhe kërkon të di se ku është autori që e ekzekutoi.
Viktima nuk rezulton të jetë person me precedente penale, ndërsa nga banorët e zonës njihej si njeri i qetë dhe pa probleme.
