Spiros Kardamis është biznesmeni 63 vjeçari grek i arrestuar së bashku me 10 persona të tjerë të shtunën pasi një gomone me 1.6 tonë drogë që dyshohet se ishte nisur nga Himara u kap në ujërat greke, shkruan stoxos.gr.
Ndërdsa dy skafistët shqiptar janë nga Saranda dhe i treti është italian. Njëri nga skafistët është identifikuar si Arban Baxheri, 32-vjec dhe tjetri me emrin Ervis, të dy nga Saranda. Dy personat janë me precedentë penalë, ndërsa skafisti italian është 62 vjeç, i skeduar për trafik narkotikësh. Për rastin në fjalë është informuar edhe policia e Sarandës e cila ka kryer disa kontrolle banesash ditën e djeshme, por nuk ka gjetur lëndë narkotike apo të dyshuar.
“Kathimerini” shkruan sot se organizata e drogës ka tentuar të trafikojë dy dhe herë të tjera drogë dhe ka lidhje me bandën “Habilaj”. Pas kapjes se 1.6 toneve, biznesmeni grek 63-vjeç, braktisi shtëpinë në Glifadha dhe u strehua në një hotel ku edhe u arrestua.
Disa nga gomonet ishin në pronësi të një kompanie që ai kishte krijuar ne Athine dhe njëra kishte flamur holandez. Në makinën e tij janë gjetur një sërë dokumentesh që po përpiqej t’i zhdukte. Gomonia do e shkarkonte drogën në Turqi dhe do merrte heroinë për në Shqipëri.
Ky grup ka tentuar të trafikoje droge nga Shqipëria në Itali me gomone në prill dhe shtator 2017. Në rastin e pare ne prill policia greke kapi gomonen me 1.5 ton marijuanë dhe arrestoi 2 grekë e 5 shqiptarë.
Dy nga të arrestuarit rezultojnë me lidhje miqësore me 63-vjeçarin. Rasti i dyte ndodhi në shtator kur u kapen në Itali 2.3 ton marijuane dhe u arrestua një italian 63-vjeç dhe një shqiptar 24-vjeç. Gomonia që u kap kishte lidhje me kompaninë e grekut 63-vjeç. Të dyja rastet i hetoi edhe Guardia di Finanza. Tirana Today
