Kanë dalë të tjera detaje nga aksidenti i rëndë që u shënua ditën e sotme në aksin rrugor Shkodër-Lezhë, ku mbetën të vdekur dy persona dhe pesë të tjerë janë plagosur.
Policia bën me dije se viktimat janë Diana Mjeshtri, 45 vjeçe dhe Luljeta Zefi, 39 vjeçe; ndërsa të plagosur kanë mbetur shtetasit: Emanuela Perjaku 23 vjeç, Jak Perjaku 28 vjeç, Pjeter Zefi 66 vjeç, Beta Mata 32 vjeçe dhe Lufti Kubaçi 55 vjeç.
Nga informacionet paraprake, mësohet se dy makina janë përplasur me njëra-tjetrën në Krye Bushat.
Ndërkohë, të plagosurit janë dërguar në Spitalin Rajonal Shkodër, ndërsa policia po heton për zbardhjen e plotë të ngjarjes.
Njoftimi i plotë i policisë:
Më datë 10.04.2019 ora 14.35, në aksin rrugor Shkodër – Lezhë, ne vendin e quajtur Krye Bushat, janë perplasur mjeti tip Nissan me mjetin tip Audi, si pasojë kanë mbetur të dëmtuar shtetasit L. K. 55 vjeç, E. P. 23 vjeç, J. P. 28 vjeç, B. M. 32 vjeçe dhe P. Z. 66 vjeç, të cilët u dërguan në Spitalin Rajonal Shkodër
Gjithashtu si pasojë e aksidentit kanë gjetur vdekjen edhe dy shtetase të cilat akoma nuk dihet identiteti i tyre dhe janë dërguar në Morgun e Spitalit Rajonal Shkodër.
