“Forca e Ligjit” në veprim, sekuestrohen 5 mln euro asete të një grupi kriminal, me aktivitet në fushën e trafikimit ndërkombëtar të lëndëve narkotike, duke realizuar operacionin policor “Vazhdimi”. Kështu shpreheshe një ditë më parë Policia e Shtetit, sa i takon katër arrestimeve spektakolare në Shkodër.
Por një ditë më pas, e gjithë ajo zhurmë u venit, pasi Gjykata e Shkallës së Parë në Shkodër caktoi masat e sigurisë për 4 të arrestuarit gjatë operacionit të dy ditëve më parë.
Afati 30 ditor është lënë derisa të vijnë në dispozicion të Gjykatës aktet e ekspertimit të Prokurorisë për disa fishekë të gjetur gjatë operacionit. Akuzat ndaj tyre janë vetëm për disa fishekë, ndërsa armët nuk thuhet se ku janë gjetur, dhe se kujt i përkasin.
https://tiranatoday.com/deshton-forca-e-ligjit-ne-shkoder-gjykata-vendos-30-dite-burg-per-te-arrestuarit-akuzohen-vetem-per-fisheket/
Po kështu në veprim janë vënë edhe avokatët, duke hedhur poshtë akuzat e Prokurorisë, teksa citojnë se s’ka prova për klientët e tyre. Pas sukseseve imagjinare nga ana e policisë, jepet edhe vendimi nga gjykata, duke kthyer në shtëpi një prej të arrestuarve.
Një prej tyre është kthyer sot në shtëpi, e ndërsa tre të tjerët do të presin edhe 30 ditë për të fituar lirinë e tyre, saktësisht deri në përfundimin e ekspertizës së Prokurorisë.
TIRANA TODAY
