Deputetja Rudina Hajdari, deklaroi se dështimi i saj në zgjedhjet e 25 prillit duke mos siguruar një mandat, nuk do ta ndalojë që ajo të luftojë për demorkacinë në vend.
Deklarata e Hajdarit u bë ditën e sotme në emisionin ”Ftesë në 5” në Top Channel. Hajdari u shpreh se rezultati i zgjedhjeve parlamentare, kërkon një analizë të thellë, teksa shtoi se përballë qeverisë duhet një opozitë e fortë.
Sipas saj, pas procesit zgjedhor të 25 prillti, vendi ndodhet sërish në vendnumëro, dhe se asgjë nuk ka ndryshuar.
Rudina Hajdari: ”Në këto zgjedhje duhet të reflektojmë për atë që ndodhi dhe për situatën politike në vend. Jo shumë gjëra kanë ndryshuar. Ajo ç’ka ndodhi ishte një rezultat, i cili kërkon një analizë më të thellë. Ne duhet të jemi të vetëdijshëm që raportin që duhet të kemi me institucionin, me parlamentin, duhet të jemi sa më seriozë se kërkohet një opozitë e shëndoshë. Këto janë idealizmat që jam munduar të transmetoj me prezencën time në parlament, me daljet e mia publike dhe për luftën e klasës së vjetër politike. Unë humba një betejë në këto zgjedhje, por lufta për të rikthyer demokracinë e munguar në Shqipëri, nuk ka mbaruar. Ambienti ishte shumë i vështirë dhe përtej rezultatit, ajo ç’ka është e rëndësishme për mua është se ende jemi në një situatë që duhet të jemi koshientë që ndodhën shumë gjëra dhe në të njëjtën mënyrë nuk ndodhi asgjë. Pas zgjedhjeve jemi në vend numëro, asgjë nuk ka ndryshuar”.
