Demokratët do të dalin të përçarë në zgjedhjet vendore të 2023. Negociatat për bashkim brenda Partisë Demokratike dështuan, e ndërsa palët kanë dalë me akuza në drejtim të njëri-tjetrit.
Grupi parlamentar i PD-së i drejtuar nga Enkelejd Alibeaj, ka fajësuar palën tjetër duke thënë se kanë ardhur në tryezë me kushtin e vetëm, që të njohin statutin e 11 dhjetorit, rrjedhimisht dhe Sali Berishën si kryetar të PD-së. Grupi i Alibeajt akuzon Edi Palokën, që ishte negociatori i Berishës, se nuk ka pasur asnjë propozim konkret se si opozita të mund të dilte e bashkuar në zgjedhjet lokale. Nga ana tjetër, Edi Paloka u shpreh se nuk kanë vendosur asnjë kusht, as për njohjen e Sali Berishës si kryetar dhe as tërheqjen e padisë në Apel për vulën e partisë. Sipas tij, negociatat dështuan pasi pala tjetër, kërkonte eleminimin e primareve dhe të strukturave të ngritura në PD.
Sapo njoftoi dështimin e negociatave, me një mesazh të qartë për grupin e Alibeajt dhe për mazhorancën, Berisha u shpreh me bindje se Rithemelimi do të arrijë të marrë pushtetin. Berisha tha se kanë hyrë në fushën e betejës dhe i dha këshilla anëtarëve që të tregojnë para të gjithëve se cila është figura e Edi Ramës, për të cilin thotë se ka ardhur momenti për ta larguar nga pushteti.
Komisioni Qendror i Zgjedhjeve, në një reagim për emisionin “Opinion” ka sqaruar se cila është procedura e regjistrimit të partive politike.
Sqarimi nga KQZ
Partia qe kerkon te regjistrohet si subjekt zgjedhor ne KQZ, ka detyrimin te paraqesi ne kete institucion, krahas te tjerave, nje vertetim nga Gjykata e Rrethit Gjyqesor Tirane.
Sipas ligjit, per partite politike eshte kjo gjykate e cila mban Regjistrin e Partive Politike.
Ky regjister sipas ketij ligji permban krahas te tjerave:
Numrin rendor te regjistrimit;
Emrin e plote te partise;
Inicialet e partise
Stemen e partise; dhe emrin e kryetarit te partise.
Keto elemente i permban/duhet ti permbaje vertetimi i Gjykates se Rrethit Gjyqesor Tirane, i cili depozitohet ne KQZ kur kerkohet te behet regjistrimi i partise si subjekt.
