Historia e Bleona Matës u risoll sërish në fokus mbrëmjen e djeshme në emisionin ‘Pa Gjurmë’, ku mbërritën telefonata të shumta nga shqiptarët jashtë vendit, sidomos atyre nga Ulqini që dëgjuan dëshmitarin që dha një dëshmi të rëndësishme. Po kështu, emisioni transmetoi edhe një bisedë me një shqiptar nga Maqedonia, i quajtur Meti Xheladini, i cili pretendonte se kishte fotot e Bleona Matës.
Para dy viteve i dha nënës dy foto që ishin realizuar në Londër kundrejt 600 eurove. Para 24 orëve ai kërkoi para të tjera, duke pretenduar se e di vendndodhjen e vajzës. Por siç duket, gënjeshtra nuk ka zgjatur shumë, pasi nga frika e denoncimit, ai ka rrëfyer të vërtetën.
Meti ka kontaktuar stafin e emisionit, duke thënë se ishte penduar pasi kishte parë se mund ta denonconin në polici. Ai ka thënë më tej se gjithçka e bërë për lekë, pasi është marrë me drogë.
“Unë jam Meti, pashë në incizimet e juaja që më keni akuzuar, dhe do të më denonconi në polici. Unë kërkoj falje, më vjen shumë keq për këtë rast, nuk di si ta shpjegoj. Kam qenë në gjendje shumë të keqe, jam penduar, e kam bërë për lekë.
Kam probleme psikike, jam marrë me drogë dhe e kam bërë për lekë. E di si është dhimbja, dhe kur të bëhem baba do ta kuptoj. I kërkoj shumë falje zonjës Bukurie, jam aty çfarë do ajo, i kam borxh jetën. Kërkoj shumë falje. Ato lekë që m’i ka dërguar Bukuria, unë ia kthej lekët, vetëm të mos më denoncoj në polici”, tha ai.
“Unë e di ku ndodhet Bleona Mata, por dua 300 euro”, shqiptari prej dy vitesh dërgon foto
