Këngëtari Stine njoftoi ndarjen me nënën e vajzës së tij, Gracielës nëpërmjet një postimi në Instagram, në fund të vitit 2018. Por, duket se ata nuk i lidh vetëm vajza, pasi ndjenjat mes tyre nuk janë shuar ende.
Çifti nuk e mohon një rikthim të mundshëm. Fillimisht ishte Stine ai që deklaroi se ia ndjente shumë mungesën ish-të dashurës së tij, e tashmë ka ardhur edhe një reagim nga Graciela. Kjo e fundit u është përgjigjur pyetjeve të ndjekësve, ndërsa lidhur me një rikthim të mundshëm, ajo ka shkruar se është një vendim shumë i vështirë, që do e vendosë koha.
“Dëshirat dhe ndjenjat e brendshme nuk më pëlqen t’i shpreh. Do ishte një fjalim i gjatëë… Jam në një fazë që as vetë nuk e di, nuk e di as vetë t’i jap një përgjigje të saktë. Ndaj nuk them as po as jo. Kam nevojë për kohën. Ajo tregon çdo gjë dhe më lejon të shoh atë dhe çdo gjë në vijim”,u përgjigj Graciela.
