Kryeministri Rama thotë se ka forca të brendshme politike në Shqipëri, që përpiqen të pengojnë hapjen e negociatave. Gjatë një takimi me veteranët, ai sqaroi pse nuk ka ende një vendim zyrtar për hapjen e negociatave. Rama shtoi më tej se rekomandimi për hapjen e negociatave është bërë vitin e shkuar pa kushte, dhe se Shqipëria i ka bërë detyrat e shtëpisë. Pavarësisht këtyre, ka forca të brendshme politike në Shqipëri, që përpiqen të pengojnë hapjen e negociatave.
“Kam bindjen se ne, PS, qeveria kemi bërë dhe po bëjmë çdo ditë zgjedhjen e duhur për të mos u tunduar nga nevoja për t’i bërë të gjithë të lumtur sot, por duke menduar që nesër fëmijët tanë të jenë më të sigurt.
Reformat që kemi ndërmarrë nuk kanë qenë aspak të lehta, ata nuk i sjellin frytet menjëherë, por ata po hedhin bazën për të gjitha nevojat. Për një koincidencë të bukur, sfida jonë për çeljen e negociatave me BE përkon me 70-vjetorin e çlirimit.
Një forcë e brendshme është përpjekur dhe përpiqet çdo ditë të pengojë hapjen e negociatave, duke e kthyer këtë objektiv kombëtar në një argument të retorikës së ditës. Ne vjet morën rekomandimin pa kushte dhe po vjen, Këshilli Evropian vendosi që për arsye të brendshme në disa prej vendeve të BE-së, kjo temë të adresohet qershorin që vjen.
Po vjen, Këshilli Evropian vendosi që pavarësisht se negociatat nuk u çelës zyrtarisht, procesi i hulumtimit që nis me çeljen zyrtare të negociatave të fillojë, ka filluar qysh vjeshtën e shkuar.
Dërdëllisin lart e poshtë për të çakërdisur dynjanë, Shqipëria ka nisur një proces që kanë nisur të gjitha vendet pasi kanë hapur negociatat.
Rekomandimi shkon në Këshillin Evropian i përbërë nga 28 vende anëtare, të cilat vlerësojnë rekomandimin në nivel politik, dhe vjet ishin shumica dërrmuese e vendeve që e pranuan rekomandimin dhe kërkuan hapjen e menjëhershme të negociatave.
Mjafton kjo për të kuptuar se ka një lidhje të drejtpërdrejtë të asaj që bën një vend për integrimin, dhe asaj që vendet e tjera bëjnë në varësi të proceseve të tyre të brendshme.
Nga ana tjetër, me shumë rëndësi është të kuptohet që Shqipëria do të ishte kokëulur në rast se Komisioni Evropian do të kishte rezerva. Ne do të bëjmë gjithçka të marrim vendimin pozitiv, mundësisht në qershor, por brenda këtij viti”, tha Rama.
