Gazetari Artan Hoxha ka zbuluar disa detaje tronditëse lidhur me derbin që u luajt dy ditë më parë mes Tiranës dhe Partizanit. Ai shprehet se në fushën e stadiumit ishin groposur 3 vazo plastike, të mbushura me 35 kapsolla të mëdha dhe flakadanë. Sipas tij, është një çmenduri që as ultra-nacionalistët serbë nuk ia rezervuan kombëtares shqiptare në tetorin e 2014-ës.
Hoxha sqaron se shpërthimi i komanduar nuk ndodhi, pasi u zbulua rastësisht nga policia. Ai thekson më tej se nëse shpërthimi do të realizohej, fuqia e tij do të ishte e madhe, jo vetëm prej përbërjes me barut të materialeve piroteknike, por edhe prej izolimit në vazot plastike që e shumëfishon fuqinë. Për rrjedhojë, shpërthimi nuk do të godiste vetëm tifozët e Partizanit, por edhe stafin e rojeve private, personelin e stadiumit, gazetarë, fotografë etj.
Statusi
3 vazo plastike te mbushura me 35 kapsolla te medha dhe flakadane, te groposura afro 20 centimetra nen zhavorrin e stadiumit “Selman Stermasi” nga ana e flamurit te këndit aty ku ishin vendosur tifozet e Partizanit, te lidhura ne seri per tu aktivizuar me tel percjelles ne distance ishin me te vertete nje cmenduri qe as ultranacionalistet serbe nuk ia rezervuan kombetares shqiptare ne tetorin e 2014-es.
Per fat te mire shperthimi i komanduar nuk ndodhi, sepse teli-percjelles u zbulua rastesisht nga policia gjate nderhyrjes se saj ne stadium, kur njeri nga policet u ngaterrua me kabllin e fshehur poshte zhavorrit.
Sipas specialistëve antieksploziv te policisë, nëse shpërthimi do të realizohej, fuqia e tij do te ishte e madhe, jo vetem prej përbërjes me barut te materialeve piroteknike por edhe prej izolimit në vazot plastike që e shumefishon fuqinë dhe sidomos prej sasise se madhe te gurëve qe ndodheshin siper vazove te mbushura me kapsolla shperthyese.
Shperthimi pervec se do te shkaktonte panik ne stadiumin e mbushur plot nje ore para ndeshjes, nuk do godiste vetem tifozet e Partizanit, por edhe stafin e rojeve private, personelin e stadiumit qe ndodhej ne ate zone, gazetare dhe fotografe, stafin e KF Tirana qe ndodhej prane por edhe vet tifozet e Tiranes. Historia dhe fanella e 100 vjecare e Tiranes, si dhe historia e fanella 73 vjecare të Partizanit, vlejnë me teper se çdo huligan apo ultras i papërgjegjshëm qe e cilëson kundërshtarin ”armik”…
