Deputetja Rudina Hajdari, është infektuar me Covid-19.
Lajmin e ka bërë të ditur vetë Hajdari përmes një postimi në rrjetet sociale.
Hajdari thotë se ka simptoma të lehta dhe të përballueshme.
Ajo do të punojë nga shtëpia deri në momentin që do të rezultojë negative në testin e rradhës.
Postimi i Hajdarit në Facebook
Të dashur miq,
Mbas shfaqjes së disa simptomave, jam testuar dhe kam rezultuar pozitive me Covid19.
Fatmirësisht deri tani simptomat janë të lehta dhe të përballueshme, por do më duhet të izolohem për të ruajtur shëndetin e familjarëve, bashkëpunëtorëve dhe mbështetësve.
Nga sot e deri kur rezultatet të ridalin negative, do të punoj nga shtëpia dhe do të mund të takohemi vetëm online.
Do mundohem të përdor sa më shumë teknologjinë për të kompesuar mungesën fizike dhe ta shfrytëzoj këtë kohë për të zhvilluar ide dhe projekte të reja.
Ju lutem shumë merreni seriozisht këtë sëmundje dhe masat mbrojtëse ndaj saj.
Ruajuni për veten dhe familjet tuaja.
Ju uroj shëndet të gjithëve
