Deputetja e Partisë Demokratike, Majlinda Bregu, e cila së fundmi ka dalë hapur kundër aksionit politik të kreut të forcës politike ku ajo bën pjesë, u pa sot përkrah përfaqësuesve të mazhorancës.
Në evenimentin e mbajtur në qytetin e Gjirokastrës nga ambasadorja e BE-së, Romana Vlahutin, me rastin e Ditës së Evropës, Bregu shihet në krah të ish-ministrit Bledi Çuçi. Ajo ndoqi me vëmendje fjalimin që mbajti kryeministri Edi Rama.
Ky afrim me mazhorancën shpjegon edhe “rilindjen” e saj përkrah kryeministrit Rama dhe kundërshtimet ndaj kreut të opozitës Lulzim Basha.
Rama i adresoi edhe një mesazh opozitës, kur theksoi se problemet politike të brendshme duhet të kalohen në mënyrë të njerëzishme dhe se me 18 qershor do të zhvillohen zgjedhjet e përgjithshme parlamentare.
