Deputetja e LSI-së, Silva Caka kërcënon drejtpërdrejtë kolegun e saj, deputetin e PS-së Arbnor Shameti. Me anë të një postimi në rrjetin social “Facebook”, Caka i bën thirrje deputetit të ketë kujdes se skraparlinjtë të çojnë shumë shpejt andej nga ke ardhur.
Ajo shkruan se janë të rrallë skraparlinjtë si Arbori që ndërrojnë sipas erës së pushtetit dhe interesave personale vetjake.
Deputetja i kujton kolegut se ata që ka thirrur dhe kërcënuar sot në Skrapar, nuk janë studentët e Justinianit.
Gjithashtu, Caka i dërgon dhe një mesazh të koduar kolegur të saj. Ajo shkruan “Numri i amzës 486 të thotë gjë? Nëse jo, pyet Partizanin”. Çfarë nënkupton deputetja me fjalinë e fundit mbetet të zbardhet në ditët në vijim nëse do ketë replika.
Reagimi i Cakës erdhi pasi këshilltarët e LSI-sw në Skrapar kanë votuar për kryetar të Këshillit Bashkiak socialistin Partizan Gorçe, njëherazi drejtor i parkut të Tomorrit (lajmin e plotë lexoje këtu).
Postimi i plotë i Silva Cakës
Adnor, janë të rrallë Skraparlinjtë si ty, që ndërrojnë sipas erës së pushtetit dhe interesave personale vetjake.
Ata që ke thirrur dhe kërcënuar sot, nuk janë studentët e Justinianit.
Bëj kujdes Adnor! Skraparlinjtë të çojnë shumë shpejt andej nga ke ardhur!
Edhe diçka: Numri i amzës 486 të thotë gjë? Nëse jo, pyet Partizanin
