Deputeti tajlandez, Ronnathep Anuwat, është filmuar nga kamerat duke parë një video me pullë të kuqe në Parlament.
Mediat në Tajlandë shkruajnë se deputeti kishte më shumë se 10 minuta duke parë videon erotike, gjatë seancës parlamentare ku po zhvillohej një debat për buxhetin.
Kur u pyet nga mediat, deputeti tha se kishte marrë mesazh nga një vajzë që i kërkonte ndihmë dhe kishte nevojë për para.
Ai është justifikuar duke thënë se e ka parë deri në fund videomesazhin, për të vlerësuar nëse vajza ishte vërtet në rrezik. Ende nuk është ndërmarrë asnjë masë ndaj tij, pasi deri më sot nuk ka pasur asnjë ankesë për të. Gjithashtu, rregullorja nuk ndalon asnjë ligjvënës të shohë materiale të ndryshme në telefon.
