Deputeti Halit Valteri kërkon urgjentisht mbledhjen e Komisionit Hetimor me qëllim finalizimin e shkarkimit të presidentit Ilir Meta. Duke cituar raportin e Komisionit të Venecias: “Komisioni i Venecias është shprehur shumë qartë që Presidenti i Republikës ka tejkaluar kompetencat, duke deklaruar dy data për një palë zgjedhje”.
Valteri theksoi se Komisionit Hetimor nuk i mbetet gjë tjetër veçse të respektojë këtë opinion, dhe të shkarkojë nga detyra Metën. I cili, sipas tij po ndërmerr aktet të tjera të rënda antikushtetuese.
“Ne duhet t’i kalojmë sa më parë vendimin e shkarkimit Kuvendit. I takon Kuvendit më pas nëse e voton apo jo vendimin e Komisionit Hetimor. Më pas do të vendosë Gjykata Kushtetuese për fatin e Presidentit”, tha Valteri për “shqiptarja.com”.
Ndër të tjera, deputeti i opozitës shprehet se mazhoranca nuk po e merr seriozisht procesin për shkarkimin e kreut të shtetit, për shkak të pasigurisë së votave.
“Duhet t’i japim fund mungesës së seriozitetit me komisionet hetimore. Ulsi Manja ka frikë ta mbledhë komisionin hetimor dhe ta çojë përpara këtë proces. Unë mendoj se mazhoranca nuk është e sigurt nëse i ka votat e domosdoshme për shkarkimin e Metës në Kuvend, ndaj po e zvarrit komisionin”, deklaroi ai.
