Deputeti i Partisë Demokratike, Klevis Balliu ka komentuar situatën e përplasjes së ish-kryeministrit Berisha me punonjësit e Gardës.
Në një postim në Facebook, Balliu shkruan se Sali Berishën nuk e ndal dot askush.
Po ashtu, Balliu i bën thirrje Prokurores së Përgjithshme të përkohshme që të hetojë menjëherë këtë çështje, gjë që do të dëshmonte se ajo nuk është e kapur nga krimi.
REAGIMI I BALLIUT:
Nuk ndalet Sali Berisha o Budallenj o Takejn
TURP ajo që ndodhi me Sali Berishën në sallën e Kuvendit, e cila faktoi që drejtohet dhe urdhërohet nga mafia në pushtet.
Sali Berisha mori fjalën brenda të gjitha rregullave dhe IL CAPO DEI CAPI i bëri me shenjë kryegardistit që ta pengonte.
Mjeran të shkretë, jo ju por ASKUSH nuk e ndal dot këtë burrë të flasë.
Dhe në kohën e duhur, në vendin e duhur do të mbahet përgjegjësi për këtë lëvizje të shëmtuar nga krimi i veshur me kostume ministrore.
Kryeprokurorja ta nisë punën me këtë ngjarje të rëndë, nëse do të tregojë se vërtetë ajo nuk është PENG e krimit.
