Deputeti demokrat, Oerd Bylykbashi ka hedhur akuza ndaj Gramoz Ruçit dhe mazhorancës socialiste se po cenojnë kushtetutën për të mbrojtur Tahirin.
Duke iu referuar mbledhjes së Këshillit të Mandateve, Bylykbashi shkruan se po përbuzet qëllimi i saj, i cili është që të bindë parlamentin se në kërkesën e prokurorisë nuk ka qëllim përndjekjeje politike, me qëllim dëmtimin e deputetit pa u bazuar në prova dhe ligj.
Më tej, deputeti shton se provat i cmon gjykata dhe jo Këshilli parlamentar, pasi ky i fundit sheh vetëm nëse ka prova dhe se kërkesa nuk është e pamotivuar.
Në fund të postimit, Bylykbashi i bën thirrje Ruçit dhe palës socialiste që të ndajnë mendjen: ose te autorizojnë arrestimin dhe kontrollin e banesës, ose të votojnë kundër.
POSTIMI I BYLYKBASHIT:
Gramoz Ruci dhe mazhoranca socialiste po cenojne Kushtetuten per te mbrojtur Saimir Tahirin!
Qellimi i seances se Keshillit te Mandateve, Rregullores dhe Imunitetit ka qellim vetem qe PARLAMENTI dhe jo Sajmir Tahiri , te bindet se ne kerkesen e prokurorise nuk ka “fumus persecutionis” ose ndryshe, qe kerkesa nuk ka qellim perndjekje politike, me qellim demtimin e deputetit pa u bazuar ne prova dhe ligj.
Imuniteti parlamentar nuk eshte mburoje per deputetin, por korace kushtetuese per te mbrojtur parlamentin nga goditja politike antikushtetuese. Ndaj nuk duhet te bindet Tahiri, por Keshilli se nuk po kercenohet funksionimi i parlamentit.
Tahiri ka te drejte te argumentoje se kerkesa e prokurorise nuk eshte e bazuar ne prova dhe ligj, ndaj dhe kerkesa eshte e motivuar politikisht. Nuk ka te drejte te beje debat mbi provat, gje qe behet para gjykates. Prokuroria e thote troc qe ka prova. Madje prova aq serioze sa duhen shfaqur me dyer te mbyllura.
Provat i cmon gjykata jo Keshilli parlamentar sepse nuk eshte gjykate. Keshilli sheh vetem nese ka prova dhe se kerkesa nuk eshte e pamotivuar.
Gramozi me te tijte ta ndaje mendjen: ose te autorizojne arrestimin dhe kontrollin e baneses, ose nese mendojne se akuza per trafik droge cenon edhe mazhorancen socialiste, te votojne kunder. Nuk kane faj se jane te zhytur nga koka te kembet e mazhorances ne kete trafik.
