Deputetët e Partisë Socialiste i kanë dërguar një shkresë Kuvendit lidhur me presidentin Ilir Meta.
Mësohet se përmes kësaj shkrese ata kanë kërkuar shtimin e objekteve të hetimit ndaj kreut të shtetit.
Bëhet fjalë për emërimin e Marsida Xhaferllarit si anëtare e Gjykatës Kushtuese. Sipas deputetëve, me këtë veprim Meta ka shkelur Kushtetutën, duke shtuar se nuk ka ftuar as gjyqtaren Arta Vorpsi për të bërë betimet.
Bëhet me dije se nesër në orën 09: 00 do të mblidhet Konferenca e Kryetarëve, ndërsa pritet që të shqyrtohet kërkesa e deputetëve: “Për kontrollin e ligjshmërisë së veprimeve të kryera nga ana e Presidentit të Republikës së Shqipërisë, në kuadër të ushtrimit të kompetencave të tij, lidhur me zhvillimin e zgjedhjeve në organet e qeverisjes vendore”.
56 deputetët e grupit parlamentar të Partisë Socialiste kanë renditur argumentet shtesë, ku theksojnë faktin se kreu i shtetit, Ilir Meta, ka emëruar në kundërshtim me Kushtetutën Marsida Xhaferllarin si anëtare të Gjykatës Kushtetuese.
Kërkesa e 56 deputetëve, rendit shkeljet për dekretimin e Marsida Xhaferllarit në Kushtetuese:
- është dekretuar një gjyqtar kushtetues në kundërshtim flagrant me kushtetutën dhe ligjin.
- Ne mungese të kompetencës për të emëruar gjyqtarin kushtetues, Presidenti, ne mënyrë të kundërligjshme ka ndërhyrë në një proces kushtetues.
- Presidenti ka ushtruar kompetenca te Këshillit te Emërimit në Drejtesi, duke i veshur vetes atribute te organeve te qeverisjes se sistemit te drejtësisë.
- është cenuar e drejta e subjekteve për te patur një proces të rregullt gjykimi kushtetues, në kushtet kur do të gjykohen nga gjyqtar kushtetues me mandat te paligjshëm.
- është cenuar funksionaliteti i Gjykatës Kushtetuese.
