Dy deputete të LSI, Floida Kërpaçi dhe Kejdi Mehmetaj, kanë dorëzuar në Kryesinë e Kuvendit, dy amendamentet e LSI-së për plotësimin e kërkesave të studentëve.
Mehmetaj u shpreh se votat e LSI, janë për studentët. Po kështu ajo e ka cilësuar si një show, të gjithë qëndrimet e kryemistrit gjatë harkut kohor të protestave.
“Votat tona janë për studentët. Rama tentoi të bëjë show. Donim të ishim pjesë e protestës”, tha Mehmetaj.
Sot, që në orët e para të ditës, kryetarja e LSI, Monika Kryemadhi ofroi zgjidhjen për studentët të cilët protestojnë prej 8 ditësh. Kryemadhi kërkoi t’i jepet zgjidhje studentëve, ndërsa tha se LSI do depozitojë në Kuvend dy amendamentet për të zgjidhur kërkesat e tyre.
