Ekzistojnë shumë arsye, pse dikush mund të bjerë në depresion. Por një nga llojet më të këqija të depresionit në këtë periudhë, është depresioni pas pushimeve. Entuziazmi që shoqëron shkuarjen me pushime, mund të jetë shumë i madh. Fatkeqësisht, po aq i madh mund të jetë edhe ndjenja e depresionit që na prek pas pushimeve. Po cilat janë shenjat e tij?
- Probleme me gjumin
Kur prekemi nga ky lloj depresioni, e kemi të vështirë të flemë, ose thjesht duam të flemë më shumë se sa zakonisht. Në rast se nuk mundemi që të flemë, kjo ndodh për shkak se s’ndalemi dot së menduari për të gjitha gjërat e bukura që bëmë gjatë pushimeve. Ndërkohë, nëse jemi duke fjetur me tepri, nuk dëshirojmë të mendojmë se si mbaruan kaq shpejt pushimet tona.
- Dhimbje koke ose ftohje
Ndodh që pas pushimeve, mund të keni çdo ditë dhimbje koke. Kjo për shkak se stresi i rikthimit në punë është i madh, dhe i vështirë për t’u menaxhuar. Po ashtu mund të prekeni nga ndonjë virozë, për shkak se kur nivelet e stresit janë në rritje, jemi shumë të ndjeshëm ndaj mikrobeve.
- Probleme financiare
A ju duket se llogaria juaj bankare, është thuajse e zbrazët? Epo, ka të ngjarë që keni shpenzuar shumë për pushime. Nëse jeni duke e kontrolluar vazhdimisht llogarinë tuaj, dhe keni një dhimbje të fortë në stomakun tuaj, mund të jeni duke u prekur nga depresioni pas pushimeve.
- Luhatje të mëdha të humorit
Ndërsa para pushimeve, gjërat dukej se po shkonin mjaft mirë, tani pas pushimeve ju duket sikur asgjë nuk po shkon ashtu siç duhet. Keni prirjen të zemëroheni lehtë nga të tjerët, dhe madje të emocionoheni kur shihni filma, veçanërisht nëse aktorët janë me pushime…
- Nuk jeni i interesuar për asgjë
Para se të iknit me pushimeve, kishit shumë interes për t’u ndarë me familjen dhe miqtë. Tani që pushimet kanë mbaruar, ndiheni shumë bosh. Ndiheni sikur keni bllokun e shkrimtarit në dorë, por nuk mundeni të bëni dot asgjë nga ajo që keni dashur gjithmonë.
Si ta kapërceni këtë periudhë delikate
- Planifikoni një udhëtim tjetër
Ndërsa kjo mund të duket si një budallallëk me brirë, duke qenë se xhepat tuaj sapo janë zbrazur nga pushimet, kjo është pikërisht ajo që duhet përballë këtij lloj depresioni. Planifikimi i udhëtimit tuaj të ardhshëm, ju lejon të shkoni sërish larg me imagjinatën tuaj. Madje edhe nëse udhëtimi tjetër, është ende një vit larg.
- Mbajeni veten të zënë
Ndërsa mund të mos jeni të interesuar mbi atë që sapo keni bërë, gjithçka që ju duhet është një shtysë e vogël, për t’u rikthyer në ritmin e jetës së përditshme. Nëse aktiviteti fizik është diçka që e keni qejf, atëherë rifillojeni menjëherë.
- Merrni disa ditë pushim më tepër
Po, ndoshta do t’ju duhet të riktheheni menjëherë në punë. Por nga ana tjetër nuk keni pse t’i bashkoheni sërish miqve tuaj në bar. Thjesht jepini vetes pak më shumë kohë, që të mund ta pranoni faktin se pushimet, dhe ndoshta vera, si çdo gjë tjetër e ka gjithashtu një fund./ TIRANA TODAY
