Kryetarit të Partisë Demokratike, Luzim Basha publikoi nga selia e blu intervistën e plotë të ish-oficerit të policisë Emiliano Nuhu.
Pas intervistës së publikuar, në konferencën për median, Basha tregoi me emra se kush duhet të dalë para drejtësisë.
Rexhep Rrahja, Artur Bushi dhe Taulant Balla, janë sipas Bashës personat që qëndrojnë pas këtij skandali e për këtë duhet të dënohen.
“Një vajzë e pambrojtur është rrëmbyer, dhunuar, përdhunuar në mënyrë sistematike. Krim monstruoz, mbi të gjitha shtetëror. Para drejtësisë duhet të dalin pushtetarët që i dhanë mbrojtje shtetërore, Artur Bushi dhe Taulant Balla, politikan bandit i zhytur në botën e krimit. Para drejtësisë duhet të dalin të gjithë ata drejtues policie e prokurorie që braktisën detyrën. Ky krim i rëndë kundër njeriut, i mbrojtur nga funksionarët më të lartë të shtetit. Është këmbana më e lartë për të gjithë shoqërinë, dhe jeta e çdokujt është e rrezikuar nga kriminelët,” tha Basha.
