Nënkryetari i LSI-së Luan Ramës, në një konferencë për shtyp tha se, “Komisioni Qendror Zgjedhor (KQZ) në papërgjegjshmëri të plotë dhe me absurditetin e një akti që nuk ka logjikë, ka vendosur në mbledhjen e djeshme ta zhvendosë qendrën e KZAZ-së 80 nga vendi tradicional ku ka qenë e vendosur gjithmonë në ambientet e shkollës në fshatin Jorgucat, duke e zhvendosur në Grapsh”.
Luan Ramës thotë se në thelb kjo është një përpjekje për të mos bërë të mundur zhvillimin e zgjedhjeve në KZAZ-në 80 të Bashkisë së Dropullit. Është një përpjekje për të mos lejuar zhvillimin e zgjedhjeve normale në Bashkinë e Dropullit.
N/kryetari i LSI-së, Rama i bëri apel KQZ-së që të shqyrtojë kërkesën e saj dhe të kthejë këtë KZAZ atje ku ka qenë në të gjitha zgjedhjet e zhvilluara më herët. Ndërsa bëri me dije se Kryetari i Bashkisë së Dropullit i është drejtuar me shkresë edhe Prefektit të Gjirokastrës edhe KQZ-së, ku ka kërkuar të mos zhvendoset KZAZ-ja.
