Ministri i Jashtëm grek Nikos Dendias deklaroi se qëllimi i Greqisë në Kombet e Bashkuara është që të dënojnë veprimet turke. Pas një takimi me përfaqësues të Partive Parlamentare, Dendias u shpreh se kjo gjë është arritur pasi shumë shtete kanë dënuar kërcënimet e Turqisë ndaj Qipros dhe Greqisë, shkruan Protothema.
“Qëllimi ynë ishte të dënojmë veprimet turke si brenda KB dhe Këshillit të Sigurimit, ashtu edhe në nivelin e Bashkimit Evropian. Dhe ky qëllim mund të them se u arrit pavarësisht hezitimeve të shprehura nga disa shtete. Është e rëndësishme që vende të tilla si SH.B.A., Rusia, Kina, India, Franca, Irlanda dënuan pa mëdyshje kërcënimet turke. Gjithashtu u bë e qartë se nëse Turqia vazhdoni sjelljen e saj delikuente do të ketë pasoja”, tha ai.
Dendias i ka rikujtuar Turqisë së koha e Perandorisë Osmane ka përfunduar me kohë dhe se ajo duhet që të respektojë fqinjët e saj.
“Më në fund duhet kuptuar Turqia se nuk mund të sillet sikur të ishim në shekullin e 18 -të ose 19 -të. Ai duhet ta pranojë që ne jetojmë në shekullin e 21-të. Se Perandoria Osmane ka pushuar së ekzistuari 100 vjet më parë. Dhe respektimi i së drejtës ndërkombëtare dhe ligjit të detit është një parim themelor për marrëdhëniet midis të gjitha shteteve”, përfundoi ai.
