Kryeministri Edi Rama njofton se një tjetër pacient ka arritur ta mposhtë koronavirusin ditën e sotme.
Përmes një postimi në Facebook, Rama tregon se bëhet fjalë për një 90-vjecare nga Hasi. Kreu i qeverisë ka postuar edhe një foto të moshuarës, e cila ka dalë nga spitali Infektiv dhe është nisur drejt shtëpisë së saj.
Lajm i mirë: Nonë Nifja nga Hasi, plot 90 vjeç, u shërua. Tani edhe 120 të paktën o non, se 100 nuk bohet llaf”, shkruan Rama në postimin e tij.
Kështu shkon në 183 numri total i personave të shëruar nga koronavirusi në vend. Deri më tani në Shqipëri janë kryer 3,385 testime, teksa vetëm 416 prej tyre kanë rezultuar pozitive me COVID-19.
Koronavirusi i ka marrë jetën 23 personave në Shqipëri.
