Pak ditë më parë, modelja me origjinë shqiptare, Lorena Haliti, e cila jeton në SHBA, deklaroi se dëshiron që bashkëshorti të jetë nga Shqipëria. E ftuar në emisionin “E Diell”, Lorena tha madje se është rritur me tradita dhe se dinte të bënte pite e të lante enët.
“Po traditat shqiptare i kam mësuar. Për shembull çajin di ta bëj, tani kam mësuar të bëj edhe piten, edhe enët di me i la. S’ka lidhje nëse je modele a jo, rëndësi ka si të ka rritur familja, kulturën edhe traditën e shqiptarëve nuk e harroj dhe nuk e lëshoj”, është shprehur Lorena.
Pas kësaj deklarate, kërkesat ndaj modeles kanë qenë të shumta. Dhjetëra djem shqiptarë e kanë kontaktuar atë, ndërsa modelja është argëtuar me këtë fakt e më tej ka kërkuar që të mos i dërgojnë më mesazhe.
Lorena ka vendosur që të publikojë njërin prej këtyre mesazheve, në të cilin shkruhet: “Përshëndetje, pashë që po kërkoni burrë shqiptar, plus je mësuar të besh pite, atëherë pse mos të flasim unë dhe ti. Do ishim çifti perfekt. Ps: Pite më hahen shumë, kurse për bukurinë dhe mençurinë tënde s’ka koment”.
