Ish-deputeti i Partisë Socialiste, Pjerin Ndreu ka reaguar lidhur me përfshirjen e tij në përgjimet e publikuara ditën e sotme nga gazeta gjermane “Bild”.
Ndreu shfaqet teksa bisedon me drejtorin e Drejtorisë Rajonale Arsimore, Dibër, Drini Gjeci, ku i kërkon këtij të fundit që një drejtor shkolle duhet të deklarojë votën hapur në zgjedhje, ose në rast të kundërt të gjejë vend ku të futet.
Përmes një postimi në “Facebook”, ish-deputeti socialist shkruan se përgjimet nuk janë prova, ndërsa thekson se komunikimi i tij nuk ka të bëjë më shit-blerje votash. Sipas tij, është normale që një socialist të votojë partinë e tij.
Sakaq, Ndreu jo vetëm që nuk e quan presion komunikimin e tij me drejtorin e DAR, por e konsideron një bisedë brenda normales.
“Drejtorit te shkollës i lejohet ligjërisht te jete pjese e strukturat politike për ato qe nuk e dine ketë gjë dhe te votoje partine ku aderon”, shkruan ndër të tjera ish-deputeti socialist.
Postimi i plotë i Ndreut:
Pergjimet jane indicje por jo prova. Megjithate meqe eshte permend emri im, jam I detyruar tu them se kominikimi im ska te beje me shit blerje, por me votat e nje socialisti i cili normalisht duhet te votoje partine e vet. Eshte kominikim normal me strukturat tona. As nuk eshte i PD as I LSI qe te quhet presion. Nese nuk lejohet tu kerkohet vota nga ne socialisteve, athere eshte tjeter gje.
Pergjimi eshte nje flliske sapuni se u nis si shitblerje dhe u katandis ne telefonata pune normale me socialistet. Drejtorit te shkolles i lejohet ligjerisht te jete pjese e strukturat politike per ato qe nuk e dine kete gje dhe te votoje partine ku aderon !
