Video e Neritan Cekës ku bën thirrje për të mos shkuar pranë kutive të votimit më 30 qershor është bërë virale. Atë është rikthyer ta komentojë sërish edhe kryeministri Rama, i cili u shpreh se profesori i arkeologjisë ishte njësoj sikur e kishte pickuar gjarpri.
Nga Maliqi, Rama përmendin edhe nënkryetarin e LSI-së, Petrit Vasili.
“Kishte çmendur edhe Neritan Cekën, goxha burrë, arkeolog, profesor, 75 vjeç dhe kishte dalë në televizor dhe mallkonte sikur e kishte pickuar gjarpri. Jazëk këtu e jazëk aty, haram këtu e haram atje sikur ishte ndonjë i përjashtuar nga një sekt fetar. E zuri hirra. E keni parë ju atë, Tit Vasilit kur del, kur del atje është i sapo pickuar nga gjarpri dhe vë kujën.
Ça janë këta? Alternativa politike? Po kur del fallxhorja dhe thotë shpëtoje Shqipërinë nga ato që blenë vota. Shyqyr që Zoti nuk përzihet në zgjedhje se do të mbyllte fallxhoren në shtëpi dhe s’do blinte njeri më vota dhe në këtë pikë, nuk k rëndësi çfarë them unë. Këtë e ka thënë edhe vetë Lulzimi. SHPK-ja e sheikut të Skraparit”, tha kryeministri.
