Kryeministri Edi Rama po mban një dëgjesë publike për bastet online në të zezë dhe propozimin për formalizimin e tyre. Rama u ndal te mbyllja e lojërave të fatit disa vite më parë, gjë të cilën e quajti një vendim të drejtë. Në Shqipëri, lotaritë dhe bastet sportive zyrtarisht janë të ndaluara që nga 1 janari i 2019- ës. Edhe pse ky biznes është i ndaluar, në mënyrë ilegale ka vepruar si biznes. Për t’i dhënë fund ushtrimit ilegal, prej muajsh është ndërmarrë një fushatë e gjerë për rihapjen dhe legalizimin e lotarive sportive në vendin tonë. Presidenti i Komitetit Olimpik Kombëtar Shqiptar, Fidel Ylli, është flamurtari i kësaj fushate, por që është mbështetur edhe nga presidentët e federatave të ndryshme sportive në vendin tonë.
“E vërteta është se kjo ftesë për ta bërë këtë dëgjesë publike është rezultat i një presioni pozitiv që vazhdon prej shumë muajsh, nga ana juaj që publikisht keni përsëritur, në drejtim të qeverisë kërkesën për të konsideruar formalizmin e basteve sportive. Ne e kemi ndjekur këtë debat që ju keni hapur, Ministrja e Arsimit dhe Sportit ka bërë dhe komunikime me ju për të dëgjuar nga afër shqetësimin por edhe pretendimet tuaja.
Padyshim që këtu bëhet fjalë për një sasi potenciale të ardhurash që do të ishin shumë të vlefshme për sportin, qoftë për Federatat e Supersportit qoftë për shqiptare të futbollit. Por kemi një kontekst që duhet kuptuar.
Ne vendosëm të ndalojmë lojërat e fatit, nga situata dramatikë më kërpudhëzimin të tyre, pafundësinë e sallave, të makinetave, ekraneve, baneteve, një shqetësm social por edhe me situata familjarë dramatike të katandisura në tragjedi. Mendojmë se ka qenë absolutisht i drejtë dhe i duhur.
Ishte një debat me pro dhe kundra ndaj nesh, ishte një debat edhe me partnerët që ne e bëmë këtë vendimmarrje na këshillonin që këtë pjesë që ta konsideronim si vendimmarrje jashtë të përgjithshmes. Por, situata në atë moment ishte e tillë.
Dhe, kjo periudhë kohe na ka dhënë mundësi të shohim të dyja anët e medaljes, anët pozitivë dhe negativë, lulëzimit të këtij aktiviteti online në të zeze. Ku Policia e Shtetit, bashkë me ne dhe zv drejtori Policisë së Shtetit i cili në detyrën e mëparshme ka mbuluar edhe këtë pjesë. Një përpjekje që ka pasur rezultate dhe vështirësitë e veta. Sot, jam i gatshëm të bëjmë këtë diskutim publik dhe, brenda nesh kemi diskutimin tonë, ministrja ka tendencën të jetë në krahun tuaj sepse të ardhurat do të ishin të konsiderueshme”, tha Rama.
