Derbi mes Fenerbahces dhe Besiktas është një ndër më të nxehtit dhe asnjëherë nuk ka mundur që të mbyllet në kushte normale dhe pa incidente. Në përballjen që të dy ekipet kanë për Kupën e Turqisë ka ndodhur një incident mjaft i rëndë, ku preh e dhunës ka rënë trajneri i skuadrës mike, Senjol Gynesh. Ai është gjuajtur me sende të forta nga tifozët e Fenerbahçes, dhe si për rrjedhojë, i çanë kokën.
Në minutën e 59-të, gjyqtari e ndërpreu ndeshjen, pasi ishte e pamundur që të luhej futboll. Situatë tepër e acaruar që ngjasonte me një arenë lufte. Rezultati ishte i barabartë 0-0, ndërsa në minutën e 30-të Pepe ishte ndëshkuar me karton të verdhë dhe prej 30 minutash, Beshiktashi po luante me 10 lojtarë.
Ky ishte takimi i dytë gjysmëfinal i Kupës, ndërsa ndeshja e parë kishte përfunduar me rezultatin 2-2. Për shkak të dhunës ndaj trajnerit Gynesh, Federata Turke e Futbollit, pritet të marrë masa drastike, pasi kjo nuk është hera e parë që tifozët e Fenerbahçes, shkaktojnë trazira, duke mos lejuar zhvillimin e ndeshjes së futbollit.
