Gjatë natës ka pasur reshje dëbore në Qarkun e Korçës. Trashësia e dëborës në Voskopojë, Dardhë, Qafa e Qarrit ka arritur deri në 5-10 cm. Kontraktorët kanë qenë në gadishmëri, është bërë pastrimi i rrugës dhe hedhja e kripës.
Qarkullimi kryhet normalisht pa zinxhirë, në akset e tjera të vendit nuk ka pasur reshje. Drejtuesit e mjeteve, që zgjedhin të kalojnë në këto akse të tregohen të kujdesshëm për shkak të prezencës së lagështisë në rrugë. Të reduktojnë shpejtësinë dhe të respektojnë sinjalistikën.
