Meta iu përgjigj thumbimeve të Ramës në lidhje me dekoratat, ku theksoi se është detyra e presidentit të nderojë heronjtë. Meta dha arsyet lidhur me ketë akt, duke pohuar se është konsultuar me historianët dhe personalitetet. “Është detyra e presidentit të nderojë heronjtë. Këta duan të zhbëjnë atdheun” , tha ai.
“Kam dekoruar, pasi jam konsultuar me historianët dhe personalitetet”, u shpreh Meta në ‘Çim Peka LIVE’.
“Impakt elektoral qenkan dekoratat dhe nuk qenkan PPP-të dhe koncesionet prej miliardash? Ata i shqetëson përpjekja për të investuar te atdhedashuria”, tha Meta.
Ai u shpreh se pasojat për prishjen e 5 qershorit do jenë të paimagjinueshme. “I kam bërë të gjitha aktet dhe do i bëj të gjitha. Do bëj të gjitha aktet e një presidenti patriot. Akti më i madh që do të bëj është që bashkë me popullin shqiptar do e fusim pas 25 prillit Shqipërinë në epokën e sundimit përmes referendumeve”, tha Meta.
