Situatat konfliktuale dhe pakënaqësitë që kishin nga jashtë shtëpisë, kanë shpërthyer edhe brenda ambienteve të “Big Brother” mes Einxhel Shkirës dhe Donald Veshaj. Ata patën një përplasje të fortë me njëri-tjetrin, kjo për shkak të qefmbetjeve që kishin mes tyre kohë më parë, për një shkëputje marrëdhënie nga puna.
Moderatorja e njohur dhe aktori i humorit kanë punuar bashkë për një projekt për një kohë të shkurtër. Ka qenë Einxhel e cila ka hedhur akuza të rënda mbi Donaldin dhe të vëllain e tij, Romeon, se e kanë hequr nga puna.
Ajo sqaroi se kishte pësuar aksident, e madje kishte provat për ta faktuar. Por kjo nuk është marrë për bazë nga Donaldi dhe i vëllai, të cilët e kanë pushuar nga puna duke i dërguar një mesazh. Jo vetëm kaq, por Einxhel plasi skandalin se ajo nuk është paguar për aq sa ka punuar, duke përfshirë edhe emrin e aktores Mariana Kondi.
Mariana ka reaguar përmes një postimi në “Instastory” ku shkruan: “Pa fjalë”.
