Gjatë muajve të fundit, Shqipëria ka dhënë provat se është vend tranzit për drogën. Në arkat me banane është kapur kokainë, dhe se tranziti i drogave të forta komandohet kryesisht nga elementë të krimit të organizuar që transferojnë droga të paligjshme nga vendet burim për në tregjet evropiane. Arrestimet janë kryesisht të nxitura nga bashkëpunimi i organeve ligjzbatuese me partnerët ndërkombëtarë dhe presioni ndërkombëtar gjithmonë e më në rritje. Grupet kriminale shqiptare e trafikojnë drogën drejt tregjeve evropiane, dhe se korrupsioni në të gjitha nivelet e qeverisjes e kufizon efektivitetin e luftës kundër narkotikëve. DEA amerikane ka arrestuar bosin shqiptar të kokainës në Kolumbi. Agim Cerma, një trafikant shqiptar i drogës i njohur me pseudonimin “Jimmy”, është arrestuar në Kolumbi. Ai kishte rolin e kokës së grupit.
Bashkë me të janë arrestuar edhe katër anëtarë të bandës, që merreshin me trafikun e drogës, me kërkesë të një gjykate në SHBA. Gjatë aksionit për identifikimin dhe kapjen e anëtarëve të dyshuar të këtij grupi të trafikut të drogës, u sekuestruan më shumë se 333 kilogramë kokainë, dhe më shumë se 100 mijë dollarë.
Dyshimet janë se Cerma kishte marrë para në Europë për të blerë kokainën në zonat e prodhimit të paligjshëm në Cauca dhe për të garantuar transportimin e saj me fluturimet Charter përmes aeroportit ‘Alfonso Bonilla Aragón’.
Bashkëpunëtorët e arrestuar
William Cruz Pérez, i cili ishte njeriu i besuar i tij dhe personi i ngarkuar për koordinimin e blerjes dhe magazinimit të kokainës, dhe krijimin e vendeve për dorëzimin e parave.
Pedro Antonio Penagos Londoño, dyshohet se është përgjegjës për mbledhjen e drogës në ndërtesat pranë Aeroportit ‘Alfonso Bonilla Aragón’.
Jairo Fernando Cardona López, i akuzuar për kontakte me kontrollorët ajrorë dhe personelin e sigurisë nga terminali ajror, për të lejuar hyrjen dhe daljen e kartave.
Edwin Durlandy Montilla González, alias Kimist, i cili dyshohet se merrej me përpunimin e klorhidratit të kokainës në laboratorët në Caucën veriore.
Agim Cerma, personi kryesor i grupit kriminal
Agim Çerma ishte personi kryesor i këtij grupi kriminal. Ai ishte përgjegjës për marrjen dhe transferimin e parave nga Evropa për të blerë kokainë nga Kolumbia. Pas marrjes së parave, Çerma kujdesej për dërgesën e kokainës drejt Evropës nga ishte bërë porosia. Lënda narkotike trafikohej përgjithësisht në rrugë ajrore përmes fluturimeve charter. Për të garantuar këtë mënyrë transportimi, ky grup mbante lidhje me kartelin Clan del Golfo, që vepron në veriperëndim të Kolumbisë.
#ATENCIÓN | Desarticulada red narcotraficante, cuyo cabecilla sería un ciudadano albanés. Los 5 presuntos integrantes de la estructura, señalada de sacar cocaína de Colombia en vuelos chárter, fueron capturados con fines de extradición. pic.twitter.com/hh1uEDNCUJ
— Fiscalía Colombia (@FiscaliaCol) July 18, 2021
