Mbrojtësi i djathtë i Milanit, De Sciglio, është ulur në tryezë me agjentin e tij për të diskutuar për të ardhmen e vet.
Takimi ka zgjatur rreth një orë, por akoma italiani nuk ka marrë një vendim. Përballjet dhe kritikat e fundit me tifozët, kanë detyruar De Sciglion të diskutojë një lëvizje të mundshme diku tjetër. Mediet italiane raportojnë se ai ka kontakte të fshehta me drejtuesit e Juventusit, por këtë gjë e kanë mohuar të dyja palët.
Mënyra e sjelljes së De Sciglios mund të jetë dhe një mënyrë që ai të shtyjë tifozët për t’i kërkuar falje, pasi u akuzua për mosparaqitje të mirë me dashje dhe kontakte të fshehta me Juventusin.
Stafi drejtues i klubit akoma nuk ka bërë zyrtar ndonjë informacion, për çështjen e talentit italian.
