Rajoni

Daut Haradinaj: Kemi vuajtur, Thaçi po luan me shqiptarët

               Publikuar në : 21:10 - 14/05/19 Enno

Deputeti i Kuvendit të Kosovës, Daut Haradinaj teksa i referohej tezës për shkëmbimin e territoreve mes Kosovës dhe Serbisë, u shpreh se askush nuk duhet ta dëmtojë Kosovën, veç pse i rrezikohet lëkura e vetë.

“Unë nuk mendoj që presidenti ka vullnet për ta dëmtuar Kosovën, por unë nuk mendoj që nëse dikujt i rrezikohet lëkura duhet ta dëmtojë Kosovën. Përgjegjësia e presidentit është ta ruajë Kushtetutën, kufijtë, edhe unë e kisha inkurajuar që kështu të shkojë”, tha ai.

Po ashtu, tha se presidenti Hashim Thaçi me deklaratat se është për bashkim të Luginës në territorin e Kosovës po luan me ndjenjat e qytetarëve.

“Është e pandershme të luhet me emocionet e qytetarëve tanë që padrejtësisht janë jashtë Kosovës, në këtë rast në Luginën e Preshevës. Unë bashkëndjej me ta, vij prej asaj vije që kemi vuajtur për të ardhur liria në Kosovë, dhe e di që ata janë qysh ishim ne para 22-23 viteve”, deklaroi ai.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT