Kreu i Shtetit, Bajram Begaj, ka pritur në Presidencë kryetarin e Partisë së Lirisë, Ilir Meta, në kuadër të takimeve për caktimin e datës së zgjedhjeve vendore.
Sakaq, në orën 13:00, Begaj do të presë krerët e grupeve parlamentare për të diskutuar rreth kësaj çështje.
Më herët Meta u takua me ish-kryeministrin Sali Berisha, në selinë e Partisë Demokratike.
Një ditë më parë, presidenti Bajram Begaj priti në takim kryeministrin Edi Rama.
Sipas Kodit Zgjedhor, zgjedhjet në Shqipëri zhvillohen në periudhat 15 prill deri në 15 maj, ose nga 15 tetori deri në 15 nëntor, por që në këtë rast zgjedhjet me shumë mundësi do të jenë në periudhën e parë.
