Nuk mbarojnë telashet për Krenar Çoçajn, të dashurin e moderatores Luana Vjollca. Pas sherrit të bujshëm me reperin Ledri Vula, për shkak të lidhjes së tij me ish-in e Krenarit, Dafina Zeqiri, duket se Krenari ka përfunduar sërish në dyert e gjykatës, por tashmë për një akuzë më të rëndë. 
Bëhet fjalë për një konflikt të dhunshëm në të cilin Krenari ka marrë pjesë në janar të 2015-ës, në një club në Prishtinë.
Mbi biznesmenin e njohur rëndon akuza e “nxitjes në vrasje”, pasi ai së bashku me Leonard Hajdarin, Mentor Palokaj, Gramoz Mjekun e Burak Gërdovcin, akuzohen se sulmuan Shkëlzen Shalën dhe i shkaktuan lëndime të rënda Labinot Mehmetit. Gjatë konfliktit, Leonard Hajdari goditi me thikë Mehmetin dy herë në gjoks dhe një herë në bark, por falë ndërhyrjes së truprojave, nuk ka mundur të vijojë më tej.Në seancë madje është përmendur se një prej truprojave që ka dashur të ndërhyjë është kërcënuar nga Çoçaj, i cili i ka thënë: “Ka me të vra!”
Në aktakuzë, është cilësuar se konflikti ka ndodhur për shkak të një vajze. Mësohet gjithashtu se një prej avokatëve ka kërkuar shtyrjen e seancës gjyqësore për shkak të gjendjes së tij shëndetësore, ndërsa ende nuk është e qartë nëse Çoçaj e shoqëron apo jo luanën në pushimet në Zvicër.
Burimi: Indeks Online
