Ron dhe Joyce Bond, 102 dhe 100 vjeç, të cilët jetojnë në Shenley Wood Retirement Village në Milton Keynes, mendohet se janë çifti me jetëgjatësinë më të madhe në Mbretërinë e Bashkuar.
Ata u martuan më 4 janar 1941 në Newport Pagnell, Buckinghamshire. Vajza e tyre Eileen u shpreh: “U tha për ta në kohën e dasmës së tyre, se kjo nuk do të zgjaste shumë”.
Vitin e kaluar, çifti mori urime me shkrim nga Mbretëresha për arritjen e përvjetorit.
Ata u takuan në Bletchley dhe u martuan në Zyrën e Regjistrimit të Newport Pagnell në një ditë kur kishte tre centimetra borë në tokë.
“Kishte radhë çiftesh, pasi seksioni i Ronit po dërgohej të gjithë jashtë vendit për të ndihmuar në përpjekjet e luftës”, tha zonja Bond.
Ata thonë se ishte dashuri me shikim të parë, dhe besojnë se janë të barabartë në marrëdhënie. “Nuk ka asnjë shef në marrëdhënien tonë. Ne japim dhe marrim të dy”, tha zonja Bond.
“Ne kurrë nuk kemi pritur të arrijmë 81 vite martesë. Ne e dimë se jemi shumë me fat që e kemi arritur këtë qëllim të mrekullueshëm”.
Zoti Bond tha: “Ndonjëherë jeta është e vështirë, por ne e përballojmë atë së bashku. Ne kujdesemi edhe për njëri-tjetrin”.
Burimi i lajmit: BBC. Përshtatur nga Tirana Today
