Epidemiologu Erion Dasho, deklaroi se varianti indian i koronavirusit, Delta, është futur në vendin tonë prej disa javësh, për shkak se Shqipëria ka shkëmbime të shumta me Britaninë e Madhe. Deklarata e Dashos, u bë ditën e sotme në një intervistë për Ora News.
Sipas tij, pandemia e koronavirusit ka shkaktuar në Shqipëri, rreth 2 milion të infektuar dhe 15-16 mijë viktima, shifra shumë herë më të larta se ato të raportuara nga qeveria.
Dasho sugjeroi që personat vulnerabël, t’u garantohet një dozë të vaksinës cilësore, pavarësisht nëse janë vaksinuar me coronavax apo nëse e kanë kaluar ose jo virusin.
Erion Dasho: Besoj se varianti Delta ka disa javë që është futur në Shqipëri, pasi ne kemi shkëmbime të shumta me Britaninë e Madhe. Duke qenë se ne kemi një politikë me dyer të hapura ndaj kujtdo që futet në vend, sigurisht që është futur edhe ky variant i ri i Covidit. Ne kemi kaluar stinën e virozave në dimër dhe patëm një katastrofë, ku sipas përllogaritjeve të mia kishim rreth 2 milion persona të infektuar dhe rreth 15-16 mijë vdekje nga Covid. Duke filluar nga muaji prill ne përjetuar atë që quhet si imuniteti natyral i grupit. Ne u gjendëm në një situatë të imunizuar dhe pavarësisht varianteve Delta, nuk u arrit që të krijohej një valë. Ne kemi për të kaluar jnë verë të qetë dhe pa vatra të caktuara. Ndërsa unë sugjeroj si masë, që personat vulnerabël tu garantohet një dozë të vaksinës cilësore, pavarësisht nëse janë vaksinuar me coronavax, apo e kanë kaluar virusin apo jo. Ndërkohë kalimi i covidit lë pasojë, por ka një imunizim së paku 9 muaj. Nga ana tjetër janë vënë re, sipas studimeve, që ka një mbrojtje qelizore e cila na mbron për disa dekada përmes qelizave memorie plazmatike. Edhe për covidin ka një përgjigje lidhur me këtë gjë. Një gjë e tillë do të thotë se imuniteti ndaj covidit mund të zgjasë gjithë jetën.
