Situata aktuale politike dhe reformat kanë qënë temat e diskutimit mes shefit të qeverisë Edi Rama, dhe Drejtorit të Përgjithshëm për Fqinjësi dhe Zgjerim në Bashkimin Evropian, Christian Danielsson.
Ky i fundit, me anë të një postimi në Twitter bën me dije se ia ka bërë të qartë kryeministrit Rama se lufta kundër krimit dhe korrupsionit duhet të vijojë.
Po kështu, ai ka trumbetuar se për një situatë bindëse në qershor, mund të shkohet vetëm falë reformave.
“Një bisedë shumë e hapur me kryeministrin @ediramaal për situatën aktuale politike dhe reformat. #Shqipëria duhet të vazhdojë të ofrojë reforma, dhe në veçanti luftën kundër krimit dhe korrupsionit, për të bërë një rast bindës në qershor, kur ?? Shtetet Anëtare të BE do të shqyrtojnë përparimin”, shkruan ai.
Pas shefit të qeverisë, Danielsson do të takohet me kreun e PD, Lulzim Basha dhe aleatët opozitarë.
Para Danielsson, në Tiranë mbërriti edhe një delegacion me deputetë nga PE, të cilët kritikuan ashpër opozitën dhe e cilësuan Parlamentin aktual si legjitim.
