Kryeministri i Spanjës, Pedro Sanchez ka prezantuar planin me 4 faza për lehtësimin e masave të marra në kuadër të luftës ndaj pandemisë së koronavirusit.
Siç raporton BBC, Spanja shpreson që të rikthehet në “normalitetin e ri” deri në fund të muajit qershor. Sanchez sqaroi se secili rajon do të lirojë masat në kohë të ndryshme, sipas shkallës së infektimit.
Të parat që do të lehtësojnë masat nga data 4 maj do të jenë katër ishuj spanjollë. Ndërsa 1 javë më vonë do të vijojë puna në pjesën tjetër të territorit spanjoll.
Që nga shpërthimi i pandemisë, Spanja ka marrë disa prej masave më të ashpra të izolimit në të gjithë botën. Shkalla e infektimit duket të jetë në ulje në Spanjë, pasi numri i viktimave për ditën e djeshme shkoi në 301, ndryshe nga 950 që raportohej në fillim të muajit prill.
Edhe numri i rasteve të reja ka rënë ndjeshëm, teksa dje është regjistruar numri më i vogël që nga data 14 mars. Duke filluar nga e diela, fëmijët nën moshën 14-vjeçare do të lejohen të dalin nga shtëpitë e tyre për një orë në ditë.
Deri më tani, Spanja regjistron më shumë se 232 mijë raste infektimi dhe mbi
