Dalin pamjet e ngjarjes së rëndë të shënuar sot në qytetin e Fierit. Në pamje jepet momenti i arrestimit të personave të cilët dyshohen si të përfshirë në ngjarje.
Të arrestuarit ishin futet nëpër ferra. Në pamjet e publikuara duket një numër i madh efektivësh që kanë marrë pjesë në kapjen e tyre, ndërsa armët e përdorura prej grabitësve, kallashnikovë janë përtokë. Brenda makinës ndodhet edhe çanta me paratë e grabitura.
Një ngjarje e rëndë ka ndodhur sot në Fier, gjatë një tentative për grabitjen e një Exchange. Ngjarja ndodhi paraditen e sotme në pikën e këmbimit valutor përballë gjimnazit “Janaq Kilica”, ku u plagos shtetasi Gëzim Hoxha, 64 vjeç, pronari i pikës së këmbimit valutor dhe Agur Vrenozi, 53 vjeç. Ky i fundit, ka ndërhyrë gjatë grabitjes për ta ndaluar atë, ndërsa grabitësit e kanë qëlluar me armë në kokë.
Pasi kanë marrë një shumë parash, dy grabitësit kanë plagosur qytetarët e më pas janë larguar. Policia u vu në ndjekje të autorëve dhe arrestoi vetëm njërin prej tyre në fshatin Baltës, Denis Fyraj nga Vlora. Ky i fundit braktisi makinën duke u hedhur në lumë, për të kaluar në anën tjetër, por është kapur në kohë nga policia, e cila ka sekuestruar po ashtu edhe një çantë me lekët e grabitura.
Policia ka kapur edhe dy autorët e tjerë të grabitjes, njëri prej tyre i identifikuar si Lulzim Demiraj. Ndërkohë, autori i tretë ka ndihmuar grabitësit duke i pritur në makinë, për t’u larguar më pas me të. Mësohet se makina me të cilën ata u larguan, është me targa të falsifikuara. Vrenozi është transportuar në Tirane për ndihmë të specializuar.
NJOFTIMI I PLOTE I POLICISE
Polica në kohë rekord kap 3 autorët e plagosjes së dy shtetasve gjatë vjedhjes së një pike të këmbimit valutor.Në ndjekje nga policia kapet në lumin pranë fshatit Baltëz njëri prej autorëve i cili për t’i shpëtuar policisë u hodh në lumë.Autori i dytë kapet te ura e Baltëzës.Gjithashtu kapet autori i tretë i cili ishte fshehur në një banesë në fshatin Baltëz.Arrestohen në flagrancë shtetasit:Zini Fyraj, 37 vjeç, banues në Sevaster, Vlorë.Lulëzim Demiraj, banues në Vajzë, Vlorë.Dashamir Gergali, 41 vjeç, banues në Zhupan, Fier.Arrestim i tyre u bë pasi në datën 02.03.2018, rreth orës 10:55 në vendin e quajtur “Zogu i Zi” Fier këta shtetas nën kërcënimin e armës kanë vjedhur një pikë këmbimi valutor.
Autorët e dyshuar kanë qëlluar me armë zjarri dhe për pasojë janë plagosur 2 shtetas, pronari i exchange, shtetssi G.H, 64 vjeç dhe një shtetas tjetër që ndodhej aty pranë, shtetasi A.V, 53 vjeç.Të dy shtetasit ndodhen në Spitalin Rajonal Fier nën kujdesin e mjekëve.
Menjëherë polica u vu në ndjekje të autorëve të cilët janë larguar me mjetin tip “Benz” me targa AA 879 JG ( dyshohen të jenë të falsifikuara).
Si rezultat i ndjekjes nga policia, autorët braktisën mjetin dhe u larguan me vrap në këmbë.Policia kap njërin prej autorëve i cili në përpjekje për t’i shpëtuar policisë u hodh në lumin pranë fshatit Baltëz.
Pas ndjekjes u kap autori i dytë në vendin e quajtur “Ura e Baltëzës” si edhe autori i tretë në një banesë në fshatin Baltëz.
Policia ka sekuestruar çantën me paratë që u vodhën në exchange.Grupi hetimor po punon për zbardhjen e plotë të rrethanave të ngjarjes.
