Dalin detaje të tjera në lidhje me sulmin e dyshuar si terrorist, ku një person qëlloi disa njerëz me thikë në rrugët e Londrës.
Autori u ekzekutua nga policia e cila ndërhyri menjëherë pas raportimeve për sulm. Sipas policisë, tre persona kanë mbetur të plagosur nga plagët e marra, ndërsa njëri prej tyre ndodhet në gjendje të rëndë për shëndetin.
Ndërsa 2 të plagosurat e tjera ndodhen në spital jashtë rrezikut për jetën e tyre. Zv.ndihmësja e Komisarit të Policisë Metropolitane, Lucy D’Orsi tha se dyshohet se ngjarja ka lidhje me terrorizmin.
Nga ana tjetër, kryetari i Bashkisë së Londrës, Sadiq Khan tha se incidenti po trajtohet si “i lidhur me terrorizmin” dhe se ai ishte në kontakt me komisarin e Policisë Metropolitane dhe personelin. Khan u shpreh se nuk do të lejohet kurrsesi që terrori të mund të godasë jetën e qytetarëve të Londrës.
Edhe kryeministri britanik Boris Johnson reagoi në lidhje me këtë sulm.
“Lutjet e mia janë me të dëmtuarit dhe të gjithë ata që preken nga tragjedia”, shkroi ai në rrjetet sociale Johson.
