Trajneri i Skënderbeut, Ilir Daja foli për çështjen e nxehtë që po kalon klubi korçar. I ftuar në emisionin Fair Play në News 24, Daja deklaroi se UEFA duhet ta mbështesë Skënderbeun dhe jo ta dënojë. Trajneri theksoi se duhet dhënë ndihmë sportit shqiptarë dhe jo dënim. Ai sqaroi se në këtë rast nuk dënohet vetëm Skënderbeu, por dënohet i gjithë futbolli shqiptar
“Një pjesë e këtij raporti ka të bëjë me periudhën tranzitore që ka kaluar futbolli në Shqipëri. UEFA duhet ta stimulojë futbollin në Shqipëri. Në çdo vend të botës, ka pasur edhe amnisti. Ata duhet ta mbështesin këtë klub që ka përfaqësuar të gjitha ekipet shqiptare. Edhe në buxhete kemi qenë më të dobët se të tjerët në arenën ndërkombëtare. Kemi nevojë për një suport, dhe jo për një dënim, pasi do ishte një dënim i të gjithë futbollit shqiptar,” deklaroi Daja.
