Deputeti i Partisë Socialiste të Lushnjës, Bujar Çela, ka reaguar pas denoncimit publik të ish-kryeministrit Berisha, i cili denoncon djalin e tij se ka dhunuar keq një qytetar para komisariatit të policisë.
Në një prononcim për “Panorama.al”, ai thekson se djali i tij s’ka lidhje me ketë ngjarje, dhe se ka qenë një konflikt mes çunash lagjeje. Po kështu ai vë në dukje se djali i tij s’ka llastiqe, e jo më pistoletë. Bujar Çela sqaron më tej se kjo është një histori çunash, për të cilën është interesuar, dhe se nuk ka lidhje me një skenë dhune.
Intervista
Z. Berisha ka publikuar një status në Facebook, ku pretendon se djali juaj ka rrahur në qytetar para komisariatit të Lushnjës? Jeni në dijeni të kësaj ngjarje?
“Nuk ka ndodhur asnjë gjë e tillë, dhe nuk e di kush është ky statusi. Në emër të Berishës dhe Bujarit shkruhen shumë gjëra.
Nuk besoj se ka një fakt të tillë. Unë di që është një histori çunash, që është midis tyre dhe s’ka lidhje fare. Është një djalë i keq ai që ka bërë këtë lloj sherri. Unë e kam kontaktuar dhe dajën e tij dhe të atin se jemi komshinj…
Është ngjarje çunash nga ato që zihen çunat, jo makina jote e re, jo imja e vjetër. Ti e pi kafen me Bujarin, unë e pi me një tjetër…Prsh..”
Z. Berisha ju përmend djalin tuaj dhe juve personalisht?
“Unë s’e kam lexuar. Hera parë që e dëgjoj. Kjo histori ka një javë a më tepër. Është histori çunash lagjeje që s’ka lidhje as me Bujarin dhe as me rrahjen, asgjë tjetër”.
Ju thoni që s’ka lidhje me djalin tuaj, dhe që s’ka ndodhur asgjë?
“S’ka asnjë lidhje, është një histori çunash, për të cilën unë jam interesuar dhe s’ka asnjë lidhje as me rrahje para komisariatit as me gjë.
Biles ai çuni ka bërë një denoncim bajat si gajasmë sikur çuni im me pistoletë në dorë, por çuni im s’ka as llastiqe, dhe jo më pistoletë.
Se nuk është nga ata tipat e pistoletave . Kam komunikuar me komisariatin, biles ata më morën me thanë di gjë, jo s’di gjë i thash unë”.
