Futbollisti me famë botërore Cristiano Ronaldo së fundmi na ka prekur të gjithëve me reagimin e tij pasi ka dëgjuar një intervistë të papublikuar të babait të ndjerë. Ylli i futbollit ishte i ftuar në emisionin e Piers Morgan dhe në momentin që ka dëgjuar babanë e tij teksa fliste nuk i ka mbajtur dot lotët.
Siç mund ta shikoni edhe në videon e mëposhtme, Ronaldo pohon se ndjen trishtim të thellë për faktin që babai i tij nuk arriti të shikonte e shijonte sukseset që ai ka arritur. Kujtojmë se babai i Cristiano-s, një ish-ushtarak i alkoolizuar, ndërroi jetë në moshën 52-vjeçare për shkak të problemeve me mëlçinë. Ai ndërroi jetë vetëm një vit pasi Ronaldo mori pjesë në “Euro 2004”.
